注意: 這廣播劇原稿是以粵語寫成的.為了存真, 不作改動. 不懂粵語的讀者見諒. 在此貼出, 也算是多元文化吧.

小土豆看了一次, 擊節讚賞. 可見民間臥虎藏龍, 高手無數.



前。後。
                   By：kit

  Wing：“恒，我地分手喇，我地做翻朋友好沒，我越同你一齊，我就越驚，驚有一日，我地會見到大家好多好多缺點，對大家越來越多要求，然後爭吵，然後各自離開彼此嘎生命，去尋找另一個更加重要嘎人。我沒辦法想像，我地會變成陌生人。”
  恒：“既然我同你都沒信心系愛情嘎領域做到一生一世，好，我應承你。”

  三年前，我同阿恒和平分手，面對朋友嘎質疑同驚訝，我依然沒後悔呢個決定，從細到大，我都好容易感覺不安，我好驚，我在乎嘎野會系下一瞬間離我而去，於是，我學識左逃避，學識左系距消失之前，先截斷消失嘎可能性。我覺得，錦，距就會系我身邊，一輩子。我系一個害怕去改變嘎人，我一直用我嘎方式守護著我自己，我以為，唔離開，就唔會有拋棄。所以我一直沒離開過呢個城市，一直沒搬過屋，甚至連工作嘎咖啡廳都沒變過，然後，我成為左呢間café嘎老闆。

  而阿恒都系沒安全感噶人，只不過距同我唔一樣，因為害怕被拋棄，所以距選擇做首先改變嘎人，比邊個都能夠適應新嘎環境同事物，從來都唔系一個地方逗留太耐，錦就唔會有眷戀。所以，距成為左一個遊記作家，系唔同噶國家同文化中穿梭，距一直向前走，而我，一直留系呢度，距系前進嘎勇士，我系後方嘎堡壘，前同後，系一對相反詞，矛盾卻親近，就好似我同距一樣。

  郡：“wing，又有明信片啦，你睇睇人地連做野都記掛住你，霖唔霖下同翻距阿。”
  Wing：“米玩啦，你唔系唔知距有女朋友嘎。幫我掛去果邊啦。”

  每次阿恒為新書而開展嘎新旅途，我都會好快禁收到一張新嘎明信片，久而久之，角落滿布嘎異國明信片成為左café嘎標誌。

  記得曾經睇過一部林嘉欣主演嘎電影，裡面有一種咖啡叫special，而最最令我感動嘎系果一句旁白，距話，每一個飲過special嘎人都唔會輕易去嘗試另一種咖啡，因為，每一個人都希望擁有屬於自己嘎special。Special，是一種特調咖啡，通過個人喜好調出最適合自己嘎咖啡，而我，因為呢出戲，嘗試過好多次，終於比我為自己調左一杯屬於我嘎special。但系，系咪每一個人都會搵到生命中嘎果位special？即使系咖啡都會因為份量嘎不準確會有輕微嘎變化，更何況系一個人，你憑咩認為距就系你嘎果位special？所以，唔相信命中註定，所以，我相信，到最後，同你結婚嘎人唔一定系你最愛噶人，而系最適合同你生活嘎人。有時，我都會幻想，幻想一下，如果，當初我沒同阿恒分手，今日嘎我地會系咩局面。系能夠經歷一切磨練走進婚姻，還是早已經因為摩擦而分手，不過我知道，無論我點霖，無論有再多嘎如果都改變唔到現實。現實系，我地分手三年以黎，距身邊嘎女人從來沒停過，唯一不變系我，每次，距戀愛都會同我講，帶比我睇，但系每一次距嘎女朋友都會懷疑我，懷疑有一日，阿恒會比我搶走，就好似面前呢個女仔一樣。只系，我估唔到，今次會鬧到黎鋪頭。但我知道，今次，一定系我最後一次見到距同阿恒一齊出現。阿恒總會將傷害擋系我嘎世界外面，令我快樂，但系有時，傷害，唔系外界比我嘎，系我對不起我自己，系我傷害左我自己。

  每次戀愛我都很想能夠忘記一切，徹底為了眼前嘎人去奉獻我一切嘎感情，但系，我忘卻唔到傷害嘎痛楚，忘卻唔到失去嘎孤單，我將自己封鎖在一個角落，沒有擁有，自然不會失去。每一次，當別人喜歡我嘎時候，我會開始留意呢個人。當距開始愛上我嘎時候，我會喜歡上距。當距唔愛我時候，我卻愛上距。我嘎愛情總系比人慢一步，我理智嘎戀愛，我經常慶倖系我愛得唔深嘎時候就得以抽身，唔需要好似身邊嘎朋友一樣被愛情傷得體無完膚。但，每當安靜嘎時候，我一個人守著我嘎咖啡，睇住距，孤單錦揮發住距嘎香氣，漸漸失去溫度，我卻開始難過起來，我嘎命運會唔會同我守候嘎呢一杯咖啡一樣，漸漸失溫，失去我嘎魅力，一輩子都沒辦法搵到我心中嘎愛情。

   每當我有咩霖唔通，我會習慣黎到呢個小公園，睇住情侶嘎恩愛，睇住孩童嘎笑容，睇住父母嘎體貼，靜靜錦，分一d距地嘎幸福，偷一d距地嘎快樂。其實，每一個隱藏自己嘎人，都系度期待，有一日，會有一個人，搵到距，然後，帶距離開。而我，亦系如此。
   我呆呆錦，睇住人地嘎幸福，卻更加突出我嘎孤單。從黃昏到繁星初上，我等嘎人卻始終沒出現，我很害怕，害怕，呢一世，我會唔會就系錦，直至我嘎眼淚，和著繁星滴落，眼前嘎世界開始變得模糊而美麗。當我開始相信，錦就系我嘎一生嘎時候，終於有一個人，找到了我。

   恒：“明知夜晚凍，仲唔著多件衫就周圍去啦。你冷親，我絕對唔照顧你。”
   距細心錦縱容住我嘎眼淚，滴落系距懷抱，將我嘎脆弱害怕，一併攔下，原來，難過嘎情緒系如此不堪一擊，在溫暖面前四分五裂。

   Wing：“我好強壯嘎，邊有禁容易病哦，你擔心你自己好過啦。”
   恒：“最好系，我呢d講得好聽嘎米遊記作家咯，講得難聽d米系一個流浪者，再惡劣嘎環境，再寒冷嘎地帶，都需要人去探索嘎，我嘎身體阿，比牛仲強壯好唔好。”
   Wing：“系系系，你最犀利啦。”

   或者，理智嘎愛情得唔得世界嘎認同，或者距唔系幸福嘎公式，但系我相信，會有一個人，願意停下距嘎腳步，等待我，行到距嘎身邊。會有一個人，會搵到我內心嘎恐懼，然後，陪我一齊，面對距。無論，未來，系咪一直風平浪靜。起碼，我知道，呢個人，曾經盡了一切嘎努力去保護，保護呢個膽小懦弱嘎我。

   沒女人希望成為女強人嘎，成為女強人，只系因為身邊沒人依靠。即使我嘎腳步再緩慢，我相信，前路一定有人為我闖蕩著，而我，會系距嘎身後，等待，等待距尋找我……….